Mir siche Verstärkung fir eis Equipe: Psycholog (m/f/d)
SOS Détresse – mir hëllefen iwwer Telefon an Online asbl
Sicht en:
Psycholog (bac +5) (m/f/d)
40 St. CDI
Wanns Du en dynameschen an engagéierte Service a senger Weiderentwécklung wëlls begleeden, eng mënschlech beräicherend an ofwiesslungsräich Erausfuerderung sichs, da freeë mir eis op Deng Kandidatur.
Deng Missiounen an Aufgaben:
- Plangen, Entwéckelen an Duerchféiere vu Formatioune extern a fir eis Benevollen
- Supervisioun vu Benevollen
- Encadrement an Ausbildung vu Benevollen am Alldag
- Mathëllef un der Entwécklung an Evaluatioun vun neie Strategien, Konzepter a Projeten
- Presentatioun vum Service am soziale Secteur a Medien
- Op d’Besoine vun eisem Service agoen
Däi Profil a Kompetenzen:
- Masterofschloss an der Psychologie
- Méijähreg Erfarung am soziale Secteur
- E staarke Sënn fir Diskretioun, Vertraulechkeet, Empathie a Verständnis fir Mënschen an Noutsituatiounen oder akute Krisen
- Wäerter a Sensibilitéit am Zesummenhang mam fräiwëllegen Engagement
- Verantwortungsbewosstsinn, gutt Organisatioun, Kommunikatiounsfäegkeeten a Fäegkeet autonom wéi och am Team ze schaffen
- Beherrsche vun de Software Word, Excel, Powerpoint, souwéi gudden Ëmgang mat Computerprogrammen am Allgemengen
- Flexibilitéit a punkto Aarbechtszäiten (Verfügbarkeet Owes a Weekends)
- Obligatoresch: Exzellent Kenntnisser am Lëtzebuergeschen, Däitschen, Franséischen an Engleschen
- Führerschäi B an en Auto zur Verfügung
Wat mir bidden:
Mir bidden Dir eng interessant an ofwiesslungsräich Aarbecht an enger Ekipp vun héichmotivéierte Professionellen a Benevollen, déi an enger kollegialer a frëndlecher Atmosphär zesummeschaffen.
D’Plaz ass ab direkt ze besetzen.
Bewerbung:
Wann s Du interesséiert bass, schéck eis Deng Bewerbung mat:
- enger Lettre de Motivation,
- engem ausféierleche CV,
- enger Kopie vun Diplomer an Zertifikater,
- an enger aktueller Foto
bis spéitstens den 28. Februar 2025 un administration@sosdetresse.lu.
Bei enger Astellung gëtt en aktuellen Auszuch vum Casier Judiciaire verlaangt.
D’Remuneratioun entsprécht dem SAS-Kollektivvertrag (Carrière C7).